And Still I Rise

Ralphie boy, be careful the big bad US bomb we little St Vincent. We friends with Chavez who done gone and throw out the US ambassador outta Venezuela. To mek matters worse we sweet wit them Castros over in Cuba. Never mind that Cuba give we nuff scholarships, help we blind people to see again and wukking hard to give we the international airport. The US say dem is bad people and if dey say so then is so it go.

I notice we sweeting up wid Libya too although that probly not so bad because ah tink the US doh hate them so much nowadays. But,how yuh expect to be friending up with Iran even though the US say them real bad wid dem nuclear things they mekking. Like you doing a Sarah Palin on we and playing yuh ignorant of the Bush doctrine? Next ting you hear dem say we training terrorist in the Soufriere hills and bam preemptive strike in we tail.

But yuh kno ah proud of yuh still. Ent America is friend wid China and we know dem human rights record not so hot. Not becos we small and unimportant mean we must let big people bully we. After all we is independent